Raipur: रेडियो म हमर ग्रामसभा कार्यक्रम ह आज होही प्रसारित, पंचायत मंत्री सिंहदेव ह देही श्रोता के सवाल के जवाब

जय जोहार…. आकाशवाणी रायपुर (Raipur) ले 14 मार्च के हमर ग्रामसभा कार्यक्रम के प्रसारण होही। ए कार्यक्रम म पंचायत अऊ ग्रामीण विकास मंत्री टीएस सिंहदेव ह श्रोता मन के सवाल के जवाब देही।

(Raipur) रविवार के रात साढ़े सात बजे ले 8 बजे तक प्रसारित होवइया कार्यक्रम में मंत्री सिंहदेव ह वाट्सएप के माध्यम से श्रोता मन के पूछे गए प्रश्न के उत्तर देही। उहचे राज्य शासन के नीति, योजना अऊ कार्यक्रम के बारे में श्रोता मन के जिज्ञासा के समाधा घलो करही।

(Raipur) ए कार्यक्रम ल मीडियम वेब 981 किलो हर्ट्ज म सुने जा सकत हे। प्रदेश म स्थित आकाशवाणी के सो केंद्र ह एक संग ए कार्यक्रम ल प्रसारित करही। आज ए कार्यक्रम के 33 वीं कड़ी के प्रसारण करे जाही।