Chhattisgarh: 3.50 लाख कोविशील्ड वैक्सीन काली पहुंचही रायपुर, 18 ले उपर उमर के मनखे मन के सुरू होही वैक्सीनेशन

जय जोहार…. (Chhattisgarh) छत्तीसगढ़ म काली सनिच्चर के कोविशील्ड के 3.50 लाख डोज ह रायपुर पहुंचही। कंपनी ह सीजीएमएससी ल ए संबंध म जानकारी भेजे हे। उहचे काली ले 18 बच्छर ले उपर उमर के मनखे मन ल कोरोना के वैक्सीन लगाए जाही।

वैक्सीनेशन बर रायपुर म 4 सेंटर बनाए गे हे, जिहां टोकन के आधार म वैक्सीनेशन करे जाही। अंत्योदय अउ एपीएल ल आधार कार्ड दिखाए ल होही। बता देन कि एखर पहले छत्तीसगढ़ उच्च न्यायालय ह राज्य शासन ल 4 मई के निर्देश दे रिहिन कि (Chhattisgarh) राज्य शासन ह 18-44 उमर वर्ग के अंत्योदय, बीपीएल अउ एपीएल हितग्राही मन के वैक्सीनेशन बर अनुपात ल निर्धारित करे। (Chhattisgarh) ए आदेश के परिपालन म राज्य सरकार ह मुख्य सचिव के अध्यक्षता म एक समिति ल बनाए हे।