chhattisgarh : सीएम भूपेश बघेल ह काली 11 नगरीय निकाय म 67 करोड़ रुपिया के विकास काम के करही वर्चुअल लोकार्पण अउ भूमिपूजन, पढ़व

जय जोहार…. (chhattisgarh ) मुख्यमंत्री भूपेश बघेल ह काली अपन निवास कार्यालय म मंझनिया 12 बजे ले आयोजित कारीकरम म 11 नगरीय निकाय म 67 करोड़ 13 लाख रुपिया के 357 ठीन विकास काम के वीडियो कॉन्फ्रेंसिंग ले लोकार्पण अउ भूमिपूजन करही। ए सबो काम ल 14वें एवं 15वें वित्त आयोग के अंतर्गत स्वीकृत करे गेहे ।

नगरीय प्रसासन विभाग डहार ले मिले जानकारी के अनुसार (chhattisgarh ) मुख्यमंत्री बघेल ह जेन काम के लोकार्पण अउ सिलान्यास करही, ओमा नगर पालिका निगम बीरगांव म 21 करोड़ 56 लाख रुपिया के लागत ले 17, नगर पालिका परिषद खैरागढ़ म 5 करोड़ रुपिया के लागत ले 40, नगर पंचायत नरहरपुर म 3 करोड़ 35 लाख रुपिया के लागत ले 23 ठीन विकास काम के लोकार्पण अउ भूमिपूजन सामिल हे।

अइसने (chhattisgarh ) नगर पंचायत मारो म 2 करोड़ 98 लाख रुपिया के लागत ले 6, नगर पालिक परिषद बैकुण्ठपुर म 5 करोड़ रुपिया के लागत ले 40, नगर पालिका परिषद शिवपुरचर्चा म 6 करोड़ 89 लाख रुपिया के लागत ले 31, नगर पंचायत भैरमगढ़ म 2 करोड़ 99 लाख रुपिया के लागत ले13, नगर पालिका परिषद सारंगढ़ म 9 करोड़ 26 लाख रुपिया के लागत ले 81, नगर पंचायत प्रेमनगर म 3 करोड़ रुपिया के लागत ले 10, नगर पंचायत कोंटा म 3 करोड़ रुपिया के लागत ले 61 अउ नगर पंचायत भोपालपटनम म 4 करोड़ 9 लाख रुपिया के लागत ले 35 काम सामिल हे।