प्रकृति के गोद म जलमग्न दृश्य ल निहारत खींचे चले आथे पर्यटक, जिहां तक जाथे नजर, उहां ठहर जाथे आंखी
रायपुर। कोरबा जिला के बाँगो जलाशय जेखर अधिकृत नाम अविभाजित मध्यप्रदेश म छत्तीसगढ़ के पहली महिला सांसद मिनीमाता के नाव म रखे गे हे। मिनीमाता हसदेव बाँगो परियोजना प्रकृति के सुरम्य वातावरण के बीच कतको ऊंचा पर्वत के तीर जलमग्न ए नजारा ल देखे बर इहां हजार पर्यटक हर साल इहां आथे। इहां आके पर्यटक मन के आंखी की पलक तब तक नई झपके जब तक वो ए नयनाभिराम नजारा ल अंतिम छोर तक नई देख ले। हालांकि दूर-दूर तक कतको किलोमीटर म फैले ए जलमग्न दृश्य हर कोनो के आँखी म पूरा तरह ले कैद नई हो पाए, काबर की उखर नजरा जिहाँ तक जा पाथे। पानी के ठहराव के बीच देखइया मन के आँखी घलो उहें तक ही ठहर जाथे। कोरबा जिला के पहिचान अउ छत्तीसगढ़ के शान मिनीमाता हसदेव बाँगो जलाशय देखइया मन ल रोमांचित ही नई करे बल्कि ओमन ल अचंभित घलो कर देथे। इहां आके अउ ए नजारा मन ल करीब ले देख पाना कोनो सौभाग्य ले कम नइ, काबर ए खूबसूरती के ही नहीं, लाखों लोगन मन के प्यास बुझाए के संग किसान मन के खेत ल हरा-भरा बनाके उखर समृद्धि के घलो पहचान हे।
कोरबा शहर ले लगभग 50 किलोमीटर दूर पोड़ी उपरोड़ा ब्लॉक के अंतर्गत मिनीमाता बाँगो जलाशय छत्तीसगढ़ राज्य म सबले बड़का जलाशय के पहचान रखथे। जल संसाधन विभाग के मिनीमाता (हसदेव) बांगो परियोजना अंतर्गत कोरबा जिला म स्थित मिनीमाता बांगो बांध के निर्माण कार्य वर्ष 1992 म पूर्ण होइस। ए बांध प्रदेश के सबले अधिक जल भराव क्षमता अउ सबले ऊँचा बांध हे, ए बांध के जल भराव क्षमता 2894.33 मिलियन क्यूबिक मीटर (लाइव स्टोरेज) अउ 3264.33 मिलियन क्यूबिक मीटर (ग्रास स्टोरेज) हे संग म बांध के डूबान क्षेत्र 185 स्क्वॉयर किलोमीटर हे, ए बांध के ऊंचाई नदी के तल ले 73 मीटर अउ फाउंडेशन लेवल ले 87 मीटर हे। ए बांध तीन महत्वपूर्ण हिस्सा म बने हे जेन 1. रॉक फिल बांध 2. मेसनरी बांध 3. मिटटी बांध हे…जेमा ले रॉक फिल बांध 177 मीटर, मेसनरी बांध 554.5 मीटर अउ मिटटी बांध 1778 मीटर हे। मिनीमाता बांगो बांध के कुल लम्बाई 2509.5 मीटर हे। ए परियोजना म 6730 वर्ग किमी जलग्रहण क्षेत्र, बांध के उच्चतम स्तर 366 मीटर, अधिकतम जलाशय स्तर 363.08 मीटर, पूर्ण जलाशय स्तर 359.66 मीटर हे। वर्तमान म बांध के सुरक्षा बर विभिन्न जटिल कार्य ल सम्बद्ध करे गे हे। इहां बांध के सुरक्षा बर जवान लगातार तैनात हे अउ सीसीटीवी ले घलो निगरानी रखे जात हे। ए बांध अउ आसपास के सुघ्घर नजारा ल निहारे बर कोरबा जिला ही नहीं अन्य जिला के लोगन मन घलो निरन्तर इहां आथे। कोरिया जिला ले आए पर्यटक परमानंद दास, सुशीला सिंह, माया सिंह ह बांगो बांध के नाम सुने रीहिन। ओमन ल ए बांध ल करीब ले देखने के इच्छा रीहिन। इहां आके जब बांध ल देखिन त ओ मन ल दूर-दूर तक पानी के ऐसा नजारा दिखिस कि जइसे कोई नीला आकाश हो। ओमन ह बतायिस कि वाकई म बांगो बांध ल करीब ले देख लेना सौभाग्य के बात हे।
