जय जोहार । (chhattisgarh) मैनपाट के पर्यटन पॉइंट म जल्दीच एक ठीन नाव अउ जुड़इया हे, जिहां पर्यटक ह बोटिंग के आनंद ले सकही । ग्राम पंचायत रोपखार के अंतर्गत बॉयो डाइवर्सिटी पार्क के आगू भूतईया नाला म वन विभाग डहार ले अर्दन डेम के निर्माण करे गेहे। एला पर्यटन स्थल के रूप म विकसित करे जावत हे। उंहे ए डेम के बने ले किसान ल सिंचाई सुविधा घलो मिलही ।
ए डेम ले करीबन 800 मीटर के दूरिया म घना जंगल के बीच भूतईया झरना घलो हे, जेन करीबन 50 फूट के ऊंचाई ले प्रकृति के नीरव गोद म गिरत है अउ सुंदर नाद करत हुए नीचे बह जात हे । डेम ले ए झरने तक पहुंच मार्ग बन जाय त पर्यटक ह प्रकृति के ए मनोरम नजारा के आसानी ले दीदार कर सकही अउ अच्छा पर्यटन स्थल बन सकत हे ।
प्रभारी वनपाल फेंकू चौबे ह बताइन कि बॉयो डायवर्सिटी पार्क के तीर भूतईया नाला के उदगम स्थल हे जिहां ले पानी बारह माह निकल के नाला के रूप म बहत हे । वन विभाग डहार ले इंहा करीबन एक करोड़ 85 लाख रुपिया के लागत ले अर्दन डेम के निर्माण ल करीबन एक बछर ले करावत हे । वोहा बताइन कि उद्गम स्थल के तीर नाला काफी संकरा रिहिं जिला खुदाई कर चौड़ीकरण अउ गहरीकरण कराए गेहे । अब ए नाला म करीबन 40 फुट पानी हावय । भूतिया नाला के ए स्थान ल पर्यटन पॉइंट अउ बोटिंग क्लब के रूप म विकसित करे के कार्य योजना हे ।
Other Articles
CM Bhupesh Baghel ह करीन माता बहादुर कलारिन के पूजा अर्चना, पढ़व
No Comment! Be the first one.