टीपी शर्मा हो ही छत्तीसगढ़ लोक आयोग के मुखिया

रायपुर । हाईकोरट म जज रही चुके टीपी शर्मा ह छत्तीसगढ़ लोक आयोग के प्रमुख लोकायुक्त होंही। टीपी शर्मा के डिविजन बेंच ह एक दिन म 49 मामल मन म फइसला देके इतिहास रच दिस हे।
सोमवार के जारी आदेस के मुताबिक हाईकोरट के पूरव जज टीपी शर्मा ल प्रमुख लोकायुक्त के जुम्मेदारी सउपे गिस हे। टीपी शर्मा ह 11 जनवरी 2008 म हाईकोरट के जज नियुक्त करे गिस। सात बछर के सेवा के बाद 2015 म उमन ह सेवानिवृत्त होय रहिन हे।
येखर पहिली टीपी शर्मा विधि अउ विधाई बेभाग म प्रमुख सचिव रहिन हे। जस्टिस शर्मा के डिविजन बेंच ह एक दिन म ही 49 मामला म फइसला देके इतिहास रचे हे। अब टीपी शर्मा ल छत्तीसगढ़ लोक आयोग के प्रमुख लोकायुक्त के जुम्मेदारी सउपे गिस हे।