cait ह करिन ऐलान, त्योहारी सीज़न म चीनी सामान ल बिके म व्यापारी ह लगाही रोक
जय जोहार…. कैट (cait) के तरफ ले चीनी वस्तु के बहिष्कार के अपन अभियान भारतीय सामान-हमारा अभियान के तहत अवइया महीना म सबो त्योहार म भारतीय सामान के उपयोग कर मनाय के आह्वान करे हे।
कैट के प्रदेश अध्यक्ष अमर परवानी, कार्यकारी अध्यक्ष मंगेलाल मालू, विक्रम सिंहदेव, महामंत्री जितेंद्र दोषी, कार्यकारी महामंत्री परमानंद जैन, कोषाध्यक्ष अजय अग्रवाल, प्रवक्ता राजकुमार राठी ह बताइस कि ए वर्ष के दिवाली ल देश भर म हिन्दुस्तानी दिवाली के रूप म मनाये जाही, जेमा चीन के कोनो सामान के इस्तेमाल नई होही।
ए श्रृंखला म अवइया 22 अगस्त के गणेश चतुर्थी ले कैट ह मिट्टी, गोबर अउ खाद ले बने पर्यावरण मित्र गणेश जी के कुछु प्रतिमा जारी करे गे हे,
(cait) जेला देश भर व्यापारी अउ आन लोगन मन ह ए गणेश चतुर्थी म अपन घर म स्थापित कर पूजा करही।
कैट के राष्ट्रीय उपाध्यक्ष अमर पारवानी ह बताइस कि अब ले ले के दिवाली तक त्योहारी सीजन म चीन ले आयात लगभग 35 ले 40 हजार करोड़ रूपिया के सामान ह बिकत हे।
ए वर्ष (cait) व्यापारी मन ह तय करे हे कि त्योहारी सीजन म चीन के सामान नई बेचही। बलकि अपन देश म बने सामान ल बेच के चीन ल राखी के बाद त्योहारी सीजन के 40 हजार करोड़ रुपिया के झटका देही।
