पुलिस के दुपहिया अऊ चारपहिया वाला मन ऊपर सख्ती , जागरूकता अऊ अनुशासन बर ये कदम हे… पुलिस अधीक्षक

जय जोहार रायपुर…. राजधानी रायपुर के दस अईसे चौक हे जिन्हा यातायात अऊ पुलिस विभाग के सघन जांच चलत हे एमा सब्बो सपडावत हे , विभाग अपन चेकिंग के माध्यम ले कमी पाय जाय के स्थिति म चालानी कार्यवाही करत हे , आम जनता ल चौक म प्रेम से बलाय जात हे अऊ हेलमेट के संग लायसेंस के जांच करत हे,

रसूखदार मन घलो कार्यवाही ल ले के एती ओति ले फोन करवात हे लेकिन कुछु नई हो सकत हे , बता दन कि पुलिस प्रशासन ह एनजीओ के सहयोग ले जिला म लगभग पन्दरह हजार हेलमेट वितरित करे हे लेकिन लोगन मन आज भी बिना हेलमेट के सवारी करत हे ,

आज पुलिस के ये अभियान ल तीसरा दिन होय हे अऊ साठ प्रतिशत लोगन मन हेलमेट धारण करत दिखे ल लग गे हे , रायपुर के पुलिस अधीक्षक ह ये जांच के लगातार मोनिटरिंग करत हे अऊ ये अभियान के लगातार चले के बात कहात हे , बता दन कि रायपुर म स्मार्ट ट्रेफिक के नाम म दस चौक ल आदर्श चौक बनाय के योजना हे , तेखर पाय के ये जागरूकता बनाम अनुशासन के कार्यवाही चलाय जात रही.