raipur: ट्रैफिक जवान ह दिस कोरोना ल मात, फेर करिन ड्यूटी ल ज्वाइन

जय जोहार…. यातायात थाना भनपुरी, रायपुर (raipur) म तैनात आरक्षक ह कोरोना ल मात दे दे हे। अस्पताल ले डिस्चार्ज होय के बाद 14 दिन होम क्वारेंटाइन म रहे के बाद गुरुवार के ड्यूटी ल ज्वाइन कर लिस।

ए दौरान ट्रैफिक जवान के (raipur) यातायात पुलिस अधीक्षक सतीश ठाकुर अउ आना स्टाफ के तरफ ले फूल के वर्षा कर स्वागत करे गे हे।
बता देन कि  (raipur) यातायात थाना भनपुरी म तैनात ट्रैफिक जावन ह बीते 24 जून के सर्दी अउ खांसी के लक्षण ह आय म एम्स अस्पताल म अपन कोरोना जांच कराय रिहिस।

जेखर दू दिन बाद ट्रैफिक जवान के रिपोर्ट ह कोरोना पाजिटिव आय र एम्स अस्पताल म भर्ती कराये गे रिहिस। 2 जुलाई के ट्रैफिक जवान ल बने होय के बाद डिस्चार्ज करे गिस अउ 14 दिन के होम क्वारेंटाइन म रहे के सलाह दे गे रिहिस।

होम क्वारेटाइन ल पूरा करे के बाद ट्रैफिक जवान ह गुरुवार के ड्यूटी ल ज्वाइन करिस।