जगदलपुर. बस्तरवासी मन के लगातार बढ़त मांग अउ नवा ट्रेन ल ले के जे कवायद चलत रहीस हे, वो ह रविवार के पूरा हो गिस. बस्तर सांसद दिनेश कश्यप कहिन के, राउलकेला ले कोरापुट तक अवइया ट्रेन अब जगदलपुर म घलोक पहुंचही… जेखर लाभ अब बस्तर ले जवइया यात्री मन ल घलो मिलही..
बताय जात हे के पहली राउरकेला ले अवइया एक्सप्रेस ट्रेन कोरापुट तक संचालित होत रहिस हे, जेखर कई बछर ले बस्तरवासी मन ह मांग करत रहिन हे, एला देखत हुए बस्तर सांसद दिनेश कश्यप के प्रयास मन ले रविवार के ए ट्रेन के सुभारंभ करिस हे. उंहें बस्तर सांसद दिनेश कश्यप के संग बीजेपी के कई नेता घलो ए कार्यकम म पहुंचिन.
बताय जात हे कि काफी प्रयास मन के बाद 21 जनवरी 2019 के ए ट्रेन ल एक्सटेंशन करे गिस. अब ए ट्रेन रोजाना सुबह 11:30 बजे जगदलपुर पहुंचही. जहां ले 1 बजे यात्री मन ल लेके राउरकेला बर रवाना होही. ए ट्रेन के चले ले बस्तरवासी मन ल काफी लाभ घलो मिलही.
Other Articles
