ऑटो ड्राइवर मन प्रशिक्षु डीएसपी ल बेरहमी से पीटिन, हालत गंभीर

बिलासपुर. कोरबा के प्रशिक्षु डीएसपी भूपत सिंह ऊपर ऑटो रिक्शा चालक मन हमला कर उंखर साथ बेरहमी ले मारपीट करिस हे। ये हमला म डीएसपी ह गंभीर रूप ले घायल हो गेे, जेला इलाज बर सिम्स बिलासपुर म भरती करे गिन हे, जिहां उंखर हालत नाजुक बताए जात हे। पुलिस ह हमलावर ऑटो चालक मन के खोजबीन करत हे।

जानकारी मिले हंवय कि प्रशिक्षु डीएसपी अउ ऑटो रिक्शां वाला के बीच जादा सवारी बईठाय के बात ल लेके  विवाद बढ़गे। इही दउरान आटो वाले ह लोहा के राड ले डीएसपी ऊपर हमला कर दिस। ओखर बाद ऑटो वाला ह अपन आधा दर्जन अउ साथी ल बुला के डीएसपी भूपत सिंह ल हाथ मुक्का लाठी से मारिस हे। जिहां डीएसपी ह बेहोश होके गिरीस त वोला मर गे समझके ऑटो चालक मन ह मौका ले भाग गे। उंहे मौजूद डीएसपी के दोस्त अउ बहन ले घलोक मारपीट करिस हे। एखर बाद डीएसपी के दोस्त अउ बहन उपचार बर सिम्स लेके गिन, जिहां मामला के शिकायत करे गिन।