CM Bhupesh Baghel ले भारतीय वन सेवा के प्रशिक्षु अधिकारी मन ह करीन मुलाकात

जय जोहार। सीएम भूपेश बघेल (CM Bhupesh Baghel) ले मुख्यमंत्री निवास कार्यालय म इंदिरा गांधी राष्ट्रीय वन अकादमी देहरादून के भारतीय वन सेवा के प्रशिक्षु अधिकारी मन ह मुलाकात करीन। मुख्यमंत्री ह ए अवसर म किहीन कि जंगल म हमन ह इमारती लकड़ी के बजाय फलदार वृक्ष जादा ले जादा संख्या म लगाए, एखर ले उंहा के रहवइया ल रोजगार मिलही, आय बढ़ही अउ जंगल के रक्षा घलो होही । एखर ले पलायन घलो रूकही अउ सहर म आबादी के बोझ कमती होही।

मुख्यमंत्री ह प्रशिक्षु अधिकारी मन ल सुभकामना दीन अउ किहीन कि आप मन सबो युवा अधिकारी मन ले काफी उम्मीद हे, हमन ल विश्वास हे कि आप मन एमा खरा उतरही । आप मन ह जेन हमर सरकार के प्रमुख योजना के अध्ययन करे हंन, ओला देस के अन्य हिस्सा म क्रियान्वित करे के परयास करही ।

इंदिरा गांधी राष्ट्रीय वन अकादमी देहरादून के डायरेक्टर जनरल भारत ज्योति ह छत्तीसगढ़ के लघु वनोपज के प्रसंस्करण प्रक्रिया अउ ओखर ले जुड़े योजना के सराहना करत हुए किहीन कि ये अनूठी योजना हे, एखर ले वनवासी के जिनगी स्तर म सुधार आए हे । वोहा देस के अन्य राज्य म घलो एला अपनाए जाय के सुझाव दीन ।