मुख्यमंत्री साय ह नेताजी सुभाष चंद्र बोस के जयंती म ओमन ल करिन नमन

रायपुर : मुख्यमंत्री विष्णु देव साय ह भारतीय स्वतंत्रता संग्राम के नायक अउ आजाद हिंद फौज के संस्थापक नेताजी सुभाष चंद्र बोस के 23 जनवरी के जयंती म ओमन ल नमन करिन हे अउ कहि कि नेताजी ह देश बर अतुल्य योगदान दे हे… जेला सम्मान देय बर उखर जयंती ल पराक्रम दिवस के रूप म मनाए जाथे। ओमन ह कहिन कि नेताजी अपन साहसिक नेतृत्व अउ देश प्रेम बर जाने जाथे। भारत के स्वतंत्रता संग्राम म ओमन ह महत्वपूर्ण भूमिका निभाईन हे। ओमन ह  ‘‘तुम मुझे खून दो, मैं तुम्हें आजादी दूंगा‘‘ जइसन नारा ले देशवासी मन म उत्साह के संचार करिन अउ आजादी बर देशवासी मन ल अपन सर्वस्व न्यौछावर करे बर प्रेरित अउ प्रोत्साहित करिन। मुख्यमंत्री साय ह कहिन कि नेताजी सुभाष चंद्र बोस के साहस, बलिदान अउ दृढ़ संकल्प ले भरे जीवन आज घलो युवा मन ल देश के सेवा बर अथक परिश्रम करे बर प्रेरित करथे। भारत के स्वतंत्रता संग्राम म नेता जी के योगदान युवा मन ल सदैव प्रेरित करत रहि।