पुलवामा हमला म जवान मन के परिवार के संग पूरा देस खड़े हे

पूर्व केन्द्रीय मंत्री विद्याचरण शुक्ल के प्रतिमा के अनावरन करिन मुख्यमंत्री भूूूपेश बघेल 

रायपुर : छत्तीसगढ़ के इतिहास म झीरम कांड अइसे  चैप्टर हे जेला कोनो नइ भूल सकय।  मुख्यमंत्री भूपेश बघेल ह एक बार फेर ले झीरम घाटी हमला ल राजनीतिक आपरधिक षड्यंत्र करार देय हे।

झीरम हादसा म मारे गे पूर्व केन्द्रीय मंत्री विद्याचरण शुक्ल के प्रतिमा के अनावरन शुक्रवार के रायपुर के नगर निगम गार्डन म करे गिस। ए कार्यक्रम म मुख्यमंत्री भूपेश बघेल ह ए बात कहिन।

रायपुर नगर निगम गार्डन म आयोजित ए कार्यक्रम म विधानसभा अध्यक्ष चरणदास महंत, मंत्री जयसिंह अग्रवाल, वरिष्ठ विधायक अमितेष शुक्ल अउ सत्यनारायण शर्मा घलो मउजूद रहिन हे।

कार्यक्रम म मुख्यमंत्री भूपेश बघेल ह कहिन ,  विद्याचरण शुक्ल उंखर बड़का भाई के समान रहन हे। वरिष्ठ नेता के तउर म उंखर ले हमेसा मार्गदर्सन मिलत रहिस हे।  सीएम बघेल ह कहिन, हमन एक अच्छा अ

उ वरिष्ठ नेता झीरम घाटी कांड म खोय हन।  जेखर हमन ल हमेसा अफसोस रहही।  उहें पुलवामा म होए आतंकी हमला म शहीद जवान मन ल  मंच ले मुख्यमंत्री ह श्रद्धांजलि घलो दीस।

मुख्यमंत्री भूपेश बघेल ह कहिन , पुलवामा हमला म शहीद परिवार मन के संग पूरा देस खड़े हवय। कार्यक्रम म महापौर प्रमोद दुबे घलो उपस्थित रहिस हे।