Raipur: ट्रक अऊ बस म हो गे भिड़ंत, 7 लोगन मन के मौत, पढो पूरा खबर
जय जोहार…. (Raipur) मंदिर हसौद के छेरीखेड़ी नेशनल हाइवे म तेज रफ्तार ट्रक अऊ बस म टक्कर हो गे हे। हादसा म 7 लोगन मन के मौत हो गिस। हादसा के सूचना मिले म एसएसपी अजय यादव अऊ मंदिर हसौद थाना पुलिस के टीम ह घटनास्थल म पहुंच गे हे।
मिले जानकारी के मुताबिक ओडिशा ले एक बस म सवार 70 मजदूर मन ह कमाय बर सूरत जावत रहिस। ए दौरान बिहिनिया लगभग 3.30 बजे करीब (Raipur) छेरीखेड़ी नेशनल हाइवे म विपरीत दिशा ले आवत तेज रफ्तार ट्रक के बस ले टक्कर हो गिस। हादसा म बस के परखच्चे उड़ गिस अऊ सात लोगन मन के घटना स्थल म मौत हो गे। उहचे कई मजदूर ह घायल हो गे।
घटना के बाद ट्रक चालक फरार हो गे, जेखर पुलिस ह तलाश करत हे। उहचे पुलिस ह मामला दर्ज कर ट्रक ल जब्त कर ले हे। ऊहचे हादसा म घायल मजदूर मन ल (Raipur) मेकाहारा अस्पताल म भर्ती करा दे गे हे।