रायपुर ले चोरी कर जबलपुर म बेच दिस ट्रक, तीन आरोपी मन के संग खरीदार होइस गिरफ्तार

जय जोहार रायपुर… शहर के रावाभाठा ट्रांसपोर्ट नगर ले पांच फरवरी के ट्रक चोरी के मामला ल पुलिस ह सुलझाए लिस। ट्रक चोरी के तीन आरोपी मन ल खमतराई पुलिस ह गिरफ्तार करिस। आरोपी मन ह ट्रक चोरी के बाद जबलपुर म बेच दे रहिस। पुलिस के मुताबिक ट्रक चोरी म राममिलन नायक, रविशंकर नायक अऊ अजय केशरवानी शामिल रहिस। मुख्य आरोपी रविशंकर ह रीवा के रहवइया हे। बाकी दो मन आरोपी रायपुर के रहवइया हे। मुख्य आरोपी रविशंकर नायक ह व्यवसायी के इहां ट्रक ड्राइवर रहिस। ऊही ह ट्रक चोरी के योजना बनाए रहिस। ट्रक खरीदी करइया ल भी पुलिस ह गिरफ्तार कर जेल भेज दिस । खमतराई टीआई रमाकान्त साहू के मुताबिक ट्रांसपोर्ट नगर के एक व्यवसायी ह ट्रक चोरी के रिपोर्ट दर्ज कराते हुए ड्राइवर पर शक जताए रहिस। ये आधार ले पुलिस ह पतासाजी करिस, जेमा आरोपी ह अपन गुनाह ल कबूल कर लिस अऊ जबलपुर म ट्रक बेचना बताए रहिस। पुलिस ह ट्रक खरीदी करइया जावेद खान ल गिरफ्तार ओखर ले ट्रक बरामद कर ले हे।