ट्रक ह कार ल मार दिस टक्कर, तीन झन घायल

जय जोहार रायपुर। राजधानी के वीआईपी चौक के पास तेज रफ्तार कार ल ट्रक ह टक्कर मार दिस। हादसा म कार सवार तीन झन ह घायल हो गिस। ये मन ल गंभीर हालत म अस्पताल म भर्ती कराए गिस हे।

प्रत्यक्षदर्शी मन के मुताबिक तेलीबांधा के ओर ले तेज रफ्तार कार आवत रहिस। वीआईपी चौक के पास कार ल पीछे ले आवत ट्रक ह टक्कर मार दिस। एखर चलत कार डिवाइडर म चढ़ गिस। टक्कर ह अतना जोरदार रहिस कि कार के परखच्चे उड़ गिस। एमा सवार तीन झन के हालत ल गंभीर बताए जावत हे।

घटना ओसवाल पेट्रोल पंप के पास होइस। एखर सूचना के बाद पुलिस ह मऊका म पहुंचिस। तेलीबांधा पुलिस मामला के जांच म जुटी हे।