घर म घुस के नाबालिग उपर केरोसिन डाल के लगाइस आगि

बेमेतरा. जिला ले दिल दहलाइया एक खबर सामने आइस हे. दरअसल, इहां 10 साल
के एक बच्ची ल जिंदा जलाए के कोशिश करे गिस.मिले जानकारी के मुताबिक कोनो
चुपचाप घर में घुस गिस.. अउ बच्ची उपर पाछू ले केरोसिन उढ़ेल के माचिस ले
आग लगा दीस. एमा बच्ची 70 फीसदी झुलस गिस. जेला इलाज बर रायपुर के निजी
अस्पताल रेफर करे गिस हे.

केरोसिन डलइया दरिंदा के अभु कोनो जानकारी नइ मिल पाइस हे. उहें मामला के
शिकायत मिले म बेरला पुलिस जांच म जुट गे हे. बता दे, बेरला इलाका के
ग्राम सांकरा के रहइया हेलूराम साहू के 10 वर्षीय बेटी प्राची घटना वाले
दिन घर म अकेली रहिस हे. सबो परिजन काम के सिलसिला म बाहिरर गे रहिन हे.
ए बीच म कोनो पाछू ले  घर म घुसी अउ बच्ची उपर केरोसिन डालके ओला जला
दिस. ए दउरान बच्ची ह खुद ल बचाए बर जोर-जोर ले आवाज लगाइस अउ चिल्लाइस.

अतना म बच्ची के आवाज सुन पड़ोसी मन तुरंत मवका म पहुंच गिन.  दउरान  जब तक पड़ोसी आग बुझाए के कोशिश करतीस तब तक बच्ची 70 फीसदी तक जल चुके रहिस हे.आगि  ले झुलसे बच्ची के हालत बेहद नाजुक बने हुए है. बहरहाल, खाली घर म आखिर कउन गिस,कउन ए दरिंदगी ल अंजाम दिस, कखर का दुश्मनी रहिस हे. पूरा मामला जांच के विषय हवय. फिलहाल, पुलिस ह मामला दर्ज कर छानबीन सुरू कर दे हे.