टीएस बाबा ह अइसे लगाइस चउक्का -छक्का

रायपुर। 14 मई के रायगढ़ जिला के धरमजयगढ पहुंचे प्रदेश के नेता प्रतिपक्ष टीएस सिंहदेव के बल्लेबाजी देखके उहां मवजूद कांग्रेस के दूसर नेता अउ कार्यकर्त्ता मन घलो हैरान रह गिस। दरअसल, इहाँ संकल्प शिविर आयोजित होय रिहिस हे। शिविर म शामिल होके नेता प्रतिपक्ष ह कार्यकर्ता मन ल बताइस कि बूथ मैनेजमेंट कइसे करना हे।
एती धरमजयगढ़ पहुंचे म नेता प्रतिपक्ष सिंहदेव ह देखिस कि कुछु लइका मन मैदान म क्रिकेट खेलत हे, तो अपन काफिला ल रुकवा के वो ह खुद युवा मन के संग हो लिस, अउ हाथ म बल्ला थाम लिस। नेता प्रतिपक्ष के बल्लेबाजी ल देखके उहां मौजूद लोगन मन हैरान रहिगे। आप मन ल बता दन कि सिंहदेव खेलकूद म काफी रुचि रखत हे। अपन स्कूल, कॉलेज के दिन म वो ह कई खेल मन म नियमित रूप ले हिस्सा लेत रहिन हे।