chhattisgarh: स्वास्थ्य मंत्री टीएस सिंहदेव ह राष्ट्रीय कृमि मुक्ति दिवस कार्यक्रम के करिन शुभारंभ

जय जोहार…. प्रदेश (Chhattisgarh) के स्वास्थ्य मंत्री टीएस सिंहदेव ह मंगलवार के वीडियो कांफ्रेंसिंग के माध्यम ले राष्ट्रीय कृमि मुक्ति दिवस कार्यक्रम के राज्य स्तरीय शुभारंभ करिन।

ए अवसर म वीडियो कांफ्रेंस ले जुड़े सबो जिला के स्वास्थ्य अधिकारी मन ल संबोधित करत हुये स्वास्थ्य मंत्री सिंहदेव ह कहिन कि कोरोना संक्रमण के बावजूद प्रदेश म अलग-अलग स्वास्थ्य कार्यक्रम ल गंभीरतापूर्वक संचालित करे जावत हे।

एखर बर मे हा स्वास्थ्य विभाग के पूरा अमला ल बधाई अऊ शुभकामना देवत हों। राष्ट्रीय कृमि मुक्ति कार्यक्रम के तहत 23 सितंबर ले 30 सितंबर तक प्रदेश (Chhattisgarh) के करीब 1.14 करोड़ लईका अऊ किशोर मन ल कृमि नाशक दवाई ल खिलाई जाही।

विगत फरवरी महिला म घलो ए कार्यक्रम के अंतर्गत 94 लाख लईका मन ल कृमि मुक्त करे गे रिहिन। (Chhattisgarh) स्वास्थ्य मंत्री टीएस सिंहदेव ह रायपुर के चिप्स कार्यालय, सिविललाइन म लईका मन ल कृमिनाशक दवा खिला के राष्ट्रीय कृमि मुक्ति दिवस कार्यक्रम के शुभारंभ करिन।

ए मऊका म स्वास्थ्य विभाग के अपर मुख्य सचिव रेणु जी. पिल्ले, स्वास्थ्य सेवा के संचालक नीरज बंसोड़, राष्ट्रीय स्वास्थ्य मिशन के संचालक डॉ. प्रियंका शुक्ला अऊ नोडल अधिकारी डॉ. अमर सिंह ठाकुर घलो मौजूद रिहिन।