CG : तुंहर सरकार तुंहर द्वार : घर बइठे मनखे मन ल मिलीन हे 10 लाख स्मार्ट कार्ड आधारित पंजीयन प्रमाण-पत्र अउ ड्राइविंग लायसेंस

जय जोहार। (CG) मुख्यमंत्री भूपेश बघेल के मंसा के अनुरूप परिवहन मंत्री मोहम्मद अकबर के मार्गदर्सन म प्रदेस म परिवहन विभाग डहार ले नवा सुविधा ‘तुंहर सरकार तुंहर द्वार’ के संचालन करे जावत हे। एखर तहत केवल जून ले मार्च माह तक एक ठीन बछर ले कमती अवधि म 10 लाख 01 हज़ार 0700 स्मार्ट कार्ड आधारित पंजीयन प्रमाण-पत्र अउ ड्राइविंग लायसेंस ल आवेदक मन के घर भेजे गेहे । एमा 06 लाख 66 हजार 822 स्मार्ट कार्ड आधारित पंजीयन प्रमाण-पत्र अउ 03 लाख 31 हजार 947 ड्राइविंग लायसेंस सामिल हे ।

(CG) परिवहन मंत्री मोहम्मद अकबर डहार ले ‘तुंहर सरकार तुंहर द्वार‘ के सुव्यवस्थित संचालन बर सरलग निगरानी रखे जात हे । परिवहन विभाग डहार ले संचालित ‘तुंहर सरकार तुंहर द्वार‘ योजना ह मनखे मन के सुविधा बर एक ठीन महत्वपूर्ण योजना हे । एमा मनखे मन ल परिवहन संबंधी 22 सेवा ओखर घर के द्वार म पहुंचाके दे जात हे । ए सुविधा के तहत मनखे मन ल अब बार-बार परिवहन विभाग के चक्कर लगाय के जरूरत नई हे ।

‘तुंहर सरकार, तुंहर द्वार’ सेवा ल अउ जादा सुलभ बनाय बर (CG) विभाग डहार ले एक ठीन हेल्पलाईन नम्बर +91-75808-08030 जारी करे गेहे, जेन सबो काम दिन म बिहनिया 10 बजे ले संझा 5.30 बजे तक जानकारी प्रदान करत हे । आवेदक जानकारी ल ई-मेल आईडी cgparivahandispatch@gmail.com म घलो मेल भेजके प्राप्त कर सकत हे ।