Raipur: सवा करोड़ रुपया के सोना के संग दू आरोपी मन ल पुलिस ह करिन गिरफ्तार, पढो पूरा खबर

जय जोहार…. पश्चिम बंगाल ले कार ले रायपुर (Raipur) लाए गे सवा करोड़ रूपिया के सोना के संग दू आरोपी मन ल पुलिस ह गिरफ्तार कर ले हे। आरोपी मन के पास ले 2 किलो 500 ग्राम सोना जब्त करे गे हे। पुलिस ह कार्रवाई कर एखर जानकारी ल आयकर विभाग ल दे दे हे।

मिले जानकारी के मुताबिक (Raipur) तेलीबांधा थाना प्रभारी रमाकांत साहू ह बताइस कि स्विफट डिजायर कार सीजी 04 एमएल 3978 म कुछु लोगन मन ह सोना ल ले के बेचे बर महासमुंद ले रायपुर के ओर आवत हे। ए दौरान मैग्नेटो माल के पास कार ल रोक के चेक करे गिस, त ओखर पास ले सोना के बिस्किट बरामद होईस। एखर पास सोना ले संबंधित कोनो दस्तावेज नई मिले हे।

पुलिस के पूछताछ म (Raipur) डीडीनगर निवासी आरोपी अशोक बेरा ह बताइस कि सोना ल पश्चिम बंगाल के कोनो व्यक्ति ले खरीद के बेचे बर रायपुर लात रहिस। पुलिस ह 2 किलो 500 ग्राम सोना के बिस्किट के संग अशोक बेरा अऊ एक आन व्यक्ति ल गिरफ्तार कर ले हे।