रायपुर। चरौदा अउ बेमेतरा के पेट्रोल पंप म कट्टे के नोक म लूट के वारदात ल अंजाम देवईया दू आरोपी ल पुलिस ह गिरफ्तार करिन हे। दूनों आरोपी ओसामा अउ शाहरूख ल उत्तरप्रदेश के प्रतापगढ़ ले पकड़िस हे। उंहे एक आरोपी अजीत गौतम ह फरार हे। आरोपी मन ले देशी कट्टा, दू मोबाइल अउ तीन जिंदा कारतूस घलो बरामद करे गिन हे। उंहे आरोपी मन ले पुलिस ह बिलासपुर म होय लूटपाट के बारे म घलो पूछताछ करत हे।
एसएसपी आरिफ शेख ह लूट के खुलासा करत बतईन कि गुरू फ्यूल्स चरौदा म तीन झन नकाबपोश बदमाश मन बंदूक के नोक म चार मोबाइल अउ लगभग 40 हजार रूपिया ल लूट के भाग गे रिहिन। इही तरह ले बेमेतरा के अंबिका फ्ल्यूस म घलो लूटपाट करे के कोसिस करत रिहिन फेर उंहा के कर्मचारी मन एखर विरोध करिन त नकाबपोश बदमाश मन उंहा के कर्मचारी ललित रजक ल गोली मार दे रिहिस, जेकर ले वो ह घायल हो गिन।
मामला के जांच के दउरान पता चलिस कि आरोपी मन प्रतापगढ़ के हरे। वो मन ल उत्तरप्रदेश के प्रतापगढ़ ले गिरफ्तार करिन हे। आरोपी मन ह वारदात ल अंजाम दे बर बाइक ले आवत रिहिस अउ वारदात के बाद उहां ले ट्रेन म भाग जात रिहिस। वारदात म उपयोग म लाए बाइक ल घलो जब्त करे गे हे। दूनों आरोपी ले बिलासपुर म होय लूटपाट के घटना के संबंध म घलो पूछताछ करे जाथ हे।
No Comment! Be the first one.