बिलासपुर संभाग म दू कोरोना वारियर्स घलो संक्रमित

जय जोहार…. छत्तीसगढ़ म कोरोना संक्रमण के मामले ह सरलघा बाढ़त जावत हे। सोमवार के घलो बिलासपुर संभाग म दू कोराना वारियर्स ह कोरोना के चपेट म आ गे हे। दुनो कोरोना वारियर्स म एक डॉक्टर अऊ दूसर पुलिसकर्मी हे।

बता देन कि सोमवार के छत्तीसगढ़ म 45 लोगन मन के कोरोना पाजिटिव रिपोर्ट म दू कोरोना वारियर्स घलो शामिल हे। एमा ले एक बिलासपुर के सिम्स के डॉक्टर हे। ऊहचे एक पुलिसकर्मी हे, जेन मुंगेली म पदस्थ हे। बिलासपुर आईजी दीपांशु काबरा ह ट्वीट कर दुनो कोरोना वारियर्स के जल्द स्वस्थ होय के कामना करे हे।