टेक्टर के पलटे ले दू मजदूर के मउत, 10 घायल

बेमेतरा। आज बिहनिया 8 बजे मजदूर मन ल लेके जात रिहिस टेक्टर के पलटे ले दू झन के मउत होगे, उंहे 10 झन मजदूर घायल होगे। ये घटना ह करही अउ रवेली के बीच के हरे।

जानकारी के मुताबिक आज बिहनियाकन करही गांव ले 25 झन मजदूर मन टेक्टर म सवार होके काम करे बर रवेली जात रिहिन। इही दउरान ड्राइवर ह अचानक ब्रेक मारिस तेकर सती टेक्टर ह अनियंत्रित होके पलट गे। ये हादसा म दू झन महिला तुलसा निषाद अउ राधा वर्मा के मौका म ही मउत हो गे। संगे-संग 10 मजदूर घायल हो गिन, जेमा दू झन ल इलाज बर रायपुर रेफर करिन हे।