दू दिन में दू झन बोहागे नदिया म, एक के मिलिस शव

कांकेर। जिला म शनिवार अउ इतवार के दिन नदिया ल पार करे के दउरान दू झन बोहागे, जेमा एक झन के लाश मिलिस त एक झन के अभी तक कोनो पता नई चले हे।

बतात हे कि इतवार के शंकर मांझी ह गांव के पास बने एनीकट ल पार करत रिहिस ताहन फिसल के नदिया म गिर के बोहागे। उंखर लाश ह गांव ले दू किलोमीटर दूर बीच नदी म मिलिस हे। दूसर घटना शनिवार के आय। चेमल गांव के रहवईया उमेंद सिंह ह पड़गाल नदिया ल पार करत रिहिस। इही दउरान ओखर गोड ह फिसल गे ताहन वो ह पानी म बोहागे, जेखर अभी तक कोनो अता-पता नई चले हे। पुलिस अउ गांव वाले मन ह ओला खोजत हे।