Corona: धमतरी जिला म कोरोना ले 2 बुजुर्ग के हो गे मउत, अस्पताल म चलत रहिस इलाज

जय जोहार…. धमतरी जिला म आज कोरोना (Corona) ले 2 बुजुर्ग मन के मउत हो गे हे। जेखर मन के अलग-अलग अस्पताल म इलाज चलत रहिस। एखर पुष्टि ल मुख्य चिकित्सा अऊ स्वास्थ्य अधिकारी डॉ डीके तुर्रे ह करे हे।

मिले जानकारी के अनुसार आज जेन 2 बुजुर्ग के मउत होय हे, एक 72 साल के बुजुर्ग हे। उहचे एक 86 साल के बुजुर्ग महिला हे, जेन कोष्टापारा अऊ विवेकानंद नगर के रहवइया रहिस। (Corona) बुजुर्ग के उपचार ह रायपुर के निजी अस्पताल म चलत रहिस। उहचे महिला बुजुर्ग के उपचार ह पिछले पांच दिन ले धमतरी के कोविड अस्पताल म चलत रहिस। जेखर मन के आज इलाज के दौरान मउत हो गे।

जिला के मुख्य स्वास्थ्य अऊ चिकित्सा अधिकारी डॉ डीके तुर्रे ह बताइस कि आज कोरोना (Corona) ले 2 बुजुर्ग मन के मउत होय हे। स्वास्थ्य विभाग ह आवश्यक कार्रवाई म जुटे हुये हे।