kasdol: दू गांजा तस्कर ह पुलिस के हत्थे चढ़ गे, 360 किलो गांजा करिन बरामद

जय जोहार…. (kasdol) बलौदाबाजार पुलिस ह गांजा तस्करी करत दू आरोपी मन ल गिरफ्तार करे हे। आरोपी मन के पास ले पुलिस ह 360 किलो गांजा बरामद करे हे।

मिले जानकारी के मुताबिक दुनो आरोपी ह स्वराज माजदा गाड़ी म ओडिशा ले गोंदिया ले जावत रहिस, (kasdol) मुखबिर के सूचना म गिधौरी पुलिस ह पुलिनी मोड़ के पास गाड़ी ल पकड़िस, एखर तलाशी ले म ओखर अंदर 360 किलो गांजा बरामद करिस। पुलिस ह आरोपी प्रफुल्ल अऊ कृष्णा ल गिरफ्तार कर ले हे, दुनो ह महाराष्ट्र के गोंदिया के रहवइया हे।

(kasdol) गिधौरी थाना प्रभारी ओमप्रकाश त्रिपाठी ह बताइस कि मुखबिर ले सूचना के आधार म पुलिनी के पास घेराबंदी कर के माजदा म जावत गांजा तस्कर मन ल गिरफ्तार करे गिस। आरोपी मन के खिलाफ नारकोटिक्स एक्ट के तहत कार्रवाई करे जावत हे।