Marwahi by-election: शिवसेना के संग दू निर्दलीय प्रत्याशी मन ह कांग्रेस ल दिस समर्थन, पढो पूरा खबर

जय जोहार…. (Marwahi by-election) भूपेश बघेल सरकार के विकास कार्य ले प्रभावित हो के गौरेला-पेड्रा-मरवाही जिला के जिलाध्यक्ष के संग मरवाही विधानसभा उपचुनाव के दू अन्य निर्दलीय प्रत्याशी अर्पन सिंह पैकरा, अऊ जयराज सिंह ओट्‌टी ह कांग्रेस म शामिल हो गे हे।

कांग्रेस म शामिल होय के बाद शिवसेना जिलाध्यक्ष उमेश सिंह पटकाम ह कहिन कि राज्य गठन के बाद ले गौरेला-पेंड्रा-मरवाही के उपेक्षा होय हे। ए विसंगति ल दूर करे बर वो हा कांग्रेस म आय के फइसला करे हे। (Marwahi by-election) पार्टी के सक्रीय कार्यकर्ता के रूप म क्षेत्र के विकास म अपन भूमिका ल निभाही।

(Marwahi by-election) बता देन कि जयराज सिंह ओट्‌टी ह शिवसेना ले मरवाही उपचुनाव म विधायक उम्मीदवार हे। जे मन ह अपन समर्थन कांग्रेस पार्टी ल दे हे। उहचे अर्पन सिंह पैकरा अऊ प्रताप सिंह भानु ह निर्दलीय प्रत्याशी हे। दुनो निर्दलीय प्रत्याशी ह अपन नाम वापस लेवत हुये कांग्रेस प्रत्याशी का समर्थन दे के फइसला करे हे।