प्रदेश बर राहत भरी खबर, दु अऊ मरीज मन होइस स्वस्थ, अस्पताल ले मिलिस छुट्टी
जय जोहार…. छत्तीसगढ़ बर एक बार फेर राहत भरी खबर हे। कोरोना संक्रमित दु अऊ मरीज मन के दूसर रिपोर्ट ह निगेटिव आय हे। जेखर बाद दुनो मरीज मन ल एम्स ले डिस्चार्ज कर दे गे हे। अब प्रदेश म तीन एक्टिव केस हे, जेखर इलाज एम्स म जारी हे।
एम्स ले डिस्चार्ज होइस दुनो मरीज कटघोरा ले हे। एमा वो महिला घलो शामिल हे, जेखर 22 महीना अऊ तीन साल के बच्ची हे। रायपुर एम्स ह ट्वीट कर ये जानकारी दे हे।
