छत्तीसगढ़ बर राहत भरी खबर, दु अऊ कोरोना मरीज ह होइस स्वस्थ, एम्स ह करिन डिस्चार्ज

जय जोहार…. छत्तीसगढ़ बर राहत भरी खबर आवत हे। दु अऊ कोरोना मरीज ह स्वस्थ हो गे हे। जेला एम्स ले डिस्चार्ज कर दे गे हे। एमा ले एक मरीज ह एम्स के नर्सिंग स्टाफ घलो हे, जेन पिछले दिन ड्यूटी के दौरान संक्रमित हो गे रहिस। एखर बाद ओला एम्स म भर्ती कराये गे रहिस।

बता देन कि छत्तीसगढ़ म अब तक कुल 59 कोरोना मरीज ह मिले हे। जेमा ले 38 मरीज मन ह ठीक होय के बाद डिस्चार्ज कर दे गे हे। ओ मन ल होम आइसोलेशन म रहे बर केहे गे हे। ऊहचे एम्स म अभी 21 एक्टिव मरीज हे, जेखर इलाज जारी हे।