corona: बालोद जिला म फेर मिले हे दू अऊ कोरोना पाजिटिव मरीज, संक्रमित मन के संख्या पहुंचिस 13

जय जोहार…. बालोद जिला म दू अऊ कोरोना (corona) पाजिटिव मरीज मिले हे। कुछु दिन पहिले कोरोना संक्रमित मरीज मन ह मुम्बई ले लहुटे रहिस। महाराष्ट्र ले वापस आय के बाद संक्रमित दुनो मजदूर ह क्वारेंटाइन म रहिस। एहतियातन दुनो मजदूर मन के सैम्पल ल जांच बर एम्स भेजे गे रहिस। एम्स ले आज एखर रिपार्ट ह पाजिटिव आय हे। एम्स ह आधिकारिक ट्विटर हैंडल ले एखर पुष्टि करे हे।

मिली जानकारी के मुताबिक दुनो पाजिटिव मरीज ल मुम्बई ले लहुटे रहिस। जेखर बाद डौंडी के क्वारेंटाइन सेंटर म रूके रहिस। अब बालोद जिला म संक्रमित मरीज मन के संख्या ह बाढ़ के 13 हो चुके हे। सरलघा बालोद म कोरोना (corona) संक्रमित मन के संख्या ह बाढ़त जावत हे।

गौरतलब हे कि बालोतरा क्वारेंटाइन सेंटर म घलो 40 मजदूर मन ल रखे गे हे। ऊहचे डौंडी लोहारा, अलग-अलग विकासखंड अऊ ग्रामीण क्षेत्र म घलो मजदूर मन ह क्वारेंटाइन हे। एखर पहिले जिला म कोरोना (corona) के 11 केस आय रहिस, जेन ह प्रवासी मजदूर रहिस।