जय जोहार. छत्तीसगढ़ बर कोरोना वायरस (coronavirus covid 19) ले जुड़े फेर एक बड़का खबर सामने आवत हे। इहां कोरोना वायरस पीड़ित मन के संख्या ह फेर बाढ़ गे हे। बालोद जिला म दू अऊ कोरोना पाजिटिव (Corona positive) मरीज मिले हे। बता देन कि पाछू के 72 घंटा म चार कोरोना संक्रमित मरीज सामने आ गे हे।
अब प्रदेश म कोरोना एक्टिव मरीज मन के संख्या बाढ़ के 11 पहुंच गे हे। मिले जानकारी के मुताबिक बालोद जिला के डौडी लोहारा ब्लॉक म दुनो कोरोना (Corona positive) मरीज मिले हे। जेमा ले एक युवक ह दल्ली राजहरा के कोकान के हे, त दूसर ह पण्डरदल्ली के। ए दुनो ह कुछ दिन पहिली मुम्बई ले लहुटे रिहिस। मुंबई ले लउटे के बाद दूनों झन ल गांव म ही क्वारैंटाईन करे गे रिहिन। बाद म ओखर सैंपल ल जांच बर एम्स भेजे गिन जिहां ले रिपोर्ट पॉजिटिव आईस।
बालोद म 4 केस
बालोद जिला म इतवार म पाए गे कोरोना वायरस के दू केस (Corona positive) के बाद इहां मरीज मन के संख्या 4 हो गे हे। नवा मिले 21 अऊ 32 साल के युवक मजदूरी करथे अऊ मुंबई ले लउटे रिहिस। बता देन कि अब प्रदेश म कोरोना पॉजिटिव मरीज मन के संख्या 69 हो गे हे। उहें अभी 11 एक्टिव केस हे।
दू मरीज ल मिलिस छुट्टी
एखर पहिली बालोद जिला म शनिवार के एक अऊ कोरोना पॉजिटिव (Corona positive) मरीज मिले रिहिस जेन ल एम्स भेजे गे रिहिन। दूसर युवक घलो मुंबई ले लउटे दल म शामिल रिहिस। दूसर कोती शनिवार के दू अऊ मरीज ल एम्स ले इलाज के बाद छुट्टी दे गे हे।
No Comment! Be the first one.