जय जोहार…. छत्तीसगढ़ बर कोरोना (corona) ले जुड़े एक बड़का खबर सामने आवत हे। प्रदेश के बिलासपुर जिला म आज दू अऊ प्रवासी मजदूर मन ह कोरोना संक्रमित मरीज पाय गे हे। एमा ले एक तखतपुर के हे अऊ दूसर ह बिल्हा के। दुनो कोरोना संक्रमित मरीज मन ल बिलासपुर मेडिकल कालेज के कोविड वार्ड म भर्ती करा दे गे हे।
बता देन कि बिलासपुर म काल पांच कोरोना (corona) पाजिटिव मरीज ह मिले रहिस। आज फेर दू अऊ कोरोना मरीज मिले हे। एला मिला के बिलासपुर म कोरोना पाजिटिव मरीज के संख्या ह सात हो गे हे। छत्तीसगढ़ म आज एखर पहिले 11 कोरोना पाजिटिव मरीज ह मिले रहिस। बिलासपुर के दू ल मिला के अब ए संख्या ह 13 हो गे हे। ऊहचे छ्त्तीसगढ़ म कोरोना (corona) मरीज मन के संख्या ह बाढ़ के 128 पहुंच गे हे। जेमा ले 59 मरीज ह स्वस्थ होके अपन घर लहुट चुके हे। जबकि प्रदेश म 69 एक्टिव मरीज हे, जेखर इलाज चलत हे।
