दु अऊ मरीज मन के रिपोर्ट आइस निगेटिव, आज एम्स ले मिल सकत हे छुट्‌टी

जय जोहार…. प्रदेश बर राहत भरी खबर सामने आय हे। रायपुर स्थित एम्स म भर्ती कोरोना पाजिटिव दु अऊ मरीज मन के रिपोर्ट ह निगेटिव आय हे। जेखर बाद आज ए मन ल एम्स ले डिस्चार्ज करे जा सकत हे। एम्स रायपुर ह ये जानकारी ट्‌वीट कर दे हे। अब कोरोना ले पांच एक्टिव केस रही।

बता देन कि राजधानी म एस्म के नर्सिंग स्टॉफ आफिसर ह कोरोना पाजिटिव पाय गे हे। एखर जांच रिपोर्ट काली शाम के आइस। जेखर बाद कोरोना के पुष्टि होइस।