corona: कोरिया जिला म मिलिस कोरोना के 2 नवा मरीज

जय जोहार…. छत्तीसगढ़ म कोरोना (corona) संक्रमित मरीज मन के संख्या ह कम होय के नाम नई लेवत हे। प्रदेश के कोरिया जिला म आज कोरोना के 2 नवा मामला मिले हे। दुनो मरीज ल कोविड अस्पताल ले जाय के तैयारी चलत हे।
बतावत जात हे कि संक्रमित दुनो मरीज ह क्वारेंटाइन सेंटर म ठहरे रिहिस। ये मामला ह मनेन्द्रगढ़ के ग्राम पंचायत बरबसपुर के हे। कोरोना (corona) मरीज मिलत ही गांव ल कन्टेनमेंट जोन घोसित करे जाही।

गौरतलब हे कि बीते बुधवार के रायपुर ले 70, सुकमा ले 36, दुर्ग ले 28, कांकेर ले 15, जांजगीर ले 13, मुंगेली ले 11, बीजापुर ले 9 रायगढ़ ले 9, बिलासपुर ले 7, गरियाबंद अउ बस्तर ले 6-6, नारायणपुर ले 5, बेमेतरा अउ महासमुंद ले 3-3, राजनांदगांव, बालोद अउ कोंडागांव ले 2-2, सूरजपुर, सरगुजा अउ जशपुर ले एक-एक मरीज के पहचान होय हे। राज्य म अब तक कोरोना (corona) के कुल 5968 नवा मामला ह सामने आय हे।