corona : थाना प्रभारी समेत ओखर दू लईका ह कोरोना पाजिटिव

जय जोहार…. परिजन मन के कोरोना (corona) ले चपेट म आय के बाद रायपुर पुरानी बस्ती थाना प्रभारी अउ ओखर दू लईका घलो जांच म कोरोना पाजिटिव पाय गे हे। एखर आलावा एक ट्रैफिक जवान घलो कोरोना  पाजिटिव मिले हे।
बता देन कि थाना प्रभारी के बिहार ले आय सास-ससुर ह कोरोना (corona) पाजिटिव पाय गे रिहिस, जेखर बाद थाना प्रभारी ल होम क्वारेंटाइन करे के संग थाना ल सील कर सैनिटाइज करे गिस। एखर आलावा थाना म पदस्थ सब्बो पुलिस कर्मी मन के घलो कोरोना जांच कराय गे हे।
स्वास्थ्य विभाग के अनुसार रायपुर म कोरोना (corona) संक्रमित मरीज मन के संख्या ह 256 हो गे हे। जबकि सक्रिय मरीज ह 106 हे।