शराब कोचिया ले अवैध वसूली के शिकायत म दो पुलिसकर्मी उपर गिरीस गाज

दुर्ग। छत्तीसगढ़ के दुर्ग जिला म एसपी ह शराब कोचिया संग साठगांठ अउ अवैध वसूली अउ बिना करवाही करे छोड़ देने के आरोप म 2 आरक्षक मन ल तत्काल परभाव ले निलंबित कर दे हे।

ये मामला के जांच डीएसपी प्रवीण चंद्र तिवारी ह करत हे। अइसे जानकारी मिले हे कि आरक्षक अउ शराब कोचिया मन के बीच म होय रिहिस बातचीत के वॉइस रिकॉर्ड वायरल होय के बाद एसपी ह ये करवाही करिस हे।

ये वॉइस रिकॉर्ड म जगदीश नाम के एक लड़का ले 40 पेटी शराब अवैध शराब ल छोड़े के नाम ले पुलिसकर्मी मन ह 2 लाख रूपिया के मांग करिस, त जगदीश ह वो पुलिसकर्मी मन ल 1 लाख 65 हजार दिस हे अउ बाकी 35 हजार रूपिया ल 5 दिन म दे के बात होय रहिस।