जशपुर. सोशल मीडिया म दू झन पुलिस वाले के एक अज्ञात मनखे ले रूपिया लेवत वीडियो वायरल होए के बाद जशपुर एसपी ह कार्रवाई कर वोमन ल निलंबित कर दे हे।
बतात हे कि सहायक उप निरीक्षक अंथ्रेस किण्डो अउ आरक्षक बालेश्वर बघेल ह एक झन अज्ञात मनखे ले रूपिया लेवत रिहिस इही दउरान कोनो ह ओखर मन के वीडियो बना के सोशल मीडिया म वायरल कर दिस, जेखर के बाद जशपुर एसपी शंकरलाल बघेल ल गंभीरता ले लेके दूनो झन पुलिसकर्मी ल निलंबित करिन हे। ये दूनो पुलिसकर्मी ह ट्रैफिक म तैनात रहीस। दूनो झन अवैध ऊपर रकम उगाही के गंभीर आरोप लगे हे। दूनो निलंबित पुलिसकर्मी ल फिलहाल रक्षित केन्द्र जशपुर म अटैच करे गे हे।
पुलिस अधीक्षक ह दूनो पुलिसकर्मी के उक्त कृत्य ल घोर कदाचरण मानत ये मामला के जांच के आदेश घलो दिन हे । उप पुलिस अधीक्षक विकास पाटले (नक्सल ऑपरेशन) ल जांच अधिकारी बनाए गे हे। पाटले ल सात दिन के भीतर मामला के प्रारंभिक जांच कर रिपोर्ट दे के आदेश दे गे हे।
