Mahasamund: 2 गांजा तस्कर ल पुलिस ह करिन गिरफ्तार, 70 किलो गांजा करे हे जब्त

जय जोहार…. (Mahasamund) कार ले गांजा के तस्करी करत दू आरोपी ल गिरफ्तार करे में पुलिस ल सफलता मिले हे। पुलिस ह कार ले 70 किलो गांजा जब्त करे हे।

मिले जानकारी के अनुसार एनएच 353 फारेस्ट नाका, टेमरी म इतवार के मुखबिर ले पुलिस ल सूचना मिलिस कि होंडा सिटी कार ले गांजा के तस्करी करे जावत हे।
ए सूचना मिले के बाद (Mahasamund) पुलिस ह नाकेबंदी कर होंडा सिटी जीजे 12 एके 5732 ल रोक के जांच करे गिस।

ए दौरान कार म 70 किलो गांजा मिलिस। एखर बाद पुलिस ह कार सवार अरुण कुमार पाणिग्रही (30 वर्ष), सूर्या सबर (20 वर्ष) गिरफ्तार कर ले हे। (Mahasamund) आरोपी मन ले पुलिस ह होंडा सिटी कार कीमत 5 लाख अऊ 70 किलो गांजा कीतम 14 लाख, तीन मोबाइल, दुनो ले नगदी 5 हजार रुपया समेत कुल 19 लाख 12 हजार 400 रुपया के संपत्ति ल जब्त करिस।