chhattisgarh : सबले जादा टीका लगइया प्रदेस के दो टीकाकरण कर्मी मन होइन हे सम्मानित
जय जोहार। कोविड-19 टीकाकरण के अंतर्गत (chhattisgarh ) प्रदेस म सबले जादा टीका लगइया दो महिला टीकाकरण कर्मी मन ल केंद्रीय स्वास्थ्य मंत्रालय डहार ले सम्मानित करे गेहे । केंद्रीय स्वास्थ्य एवं परिवार कल्याण मंत्री मनसुख मंडाविया ह आज अंतरराष्ट्रीय महिला दिवस म नई दिल्ली म आयोजित कारीकरम म कबीरधाम के टीकाकरण कर्मी सुश्री पिंकी खरे अउ रायगढ़ के श्रीमती प्रमिला देवांगन ल स्मृति चिन्ह प्रदान कर सम्मानित करीन।
कबीरधाम जिला के प्राथमिक स्वास्थ्य केंद्र पोड़ी के टीकाकरण कर्मी सुश्री पिंकी खरे ह कोरोना टीकाकरण अभियान के दउरान 425 सत्र म अकेला 70 हजार 333 टीके लगाय हे । (chhattisgarh ) उहें रायगढ़ के प्राथमिक स्वास्थ्य केंद्र किरोड़ीमल नगर के श्रीमती प्रमिला देवांगन ह 402 सत्र म अकेला 45 हजार 463 टीका लगाय हे । कोविन एप्लीकेसन म दर्ज टीकाकरण डॉटा के मूल्यांकन के आधार म केन्द्रीय स्वास्थ्य मंत्रालय डहार ले प्रदेस के ए दूनों टीकाकरण कर्मी मन के चयन करे गेहे ।
