‘गढ़बो बचपन’ प्रोजेक्ट के तहत जिला के जम्मों केंद्र म ECCE दिवस के आयोजन, 25 हजार पालक मन ह लिन भाग

रायपुर। महिला अउ बाल विकास विभाग, रायपुर छत्तीसगढ़ अउ सहयोगी संस्था एडुवीव फाउंडेशन ह जिला म चलाए जात ‘गढ़बो बचपन’ प्रोजेक्ट के तहत आज, 22 जनवरी, 2025 के ‘ जिला के जम्मों केंद्र म ECCE दिवस के फिर से सफल आयोजन करे गिस। ए कार्यक्रम म पालक मन ल आँगनवाड़ी केंद्र ले जुड़के लइका मन ल सीखे के प्रक्रिया म भागीदारी सुनिश्चित करे बर अउ लइका मन ल घर म गुणवत्तापूर्ण अनुभव प्रदान करे के उद्देश्य ले आयोजित करे गिस। आयोजन म रायपुर जिला के लगभग 25000 पालक मन ह उत्साहपूर्वक भाग लिन।

ए माह के ECCE दिवस के तहत प्रमुख विषय ‘सामाजिक अउ भावनात्मक विकास’ के महत्व रहिन। ए अवसर म पालक मन ल लइका मन के विकास म सामाजिक अउ भावनात्मक पहलु के भूमिका के बारे म विभिन्न गतिविधी के माध्यम ले जागरूक करे गिस। पालक अउ लइका मन ह एक- दूसर के बारे म सकारात्मक बात साझा करिन, एक दूसर के संग मिलकर चित्र बनाए अउ आँगनवाड़ी सुविधादाता ह पालक मन के संग घर म करे जाए वाला गतिविधी साझा करिन। रायपुर जिला के जम्मों केंद्र म प्रत्येक माह के तीसर बुधवार के विभिन्न थीम के आधार म ECCE दिवस के निरंतर आयोजन करे जाहि। आँगनवाड़ी केंद्र मोहदी-4 के पालक, मंजू लता ह अपन अनुभव साझा करत कहिन, ‘ECCE कार्यक्रम म भाग लेके अउ गतिविधी मन म शामिल होके मोला बेहद खुशी होइस। में आगु घलो आयोजित होवइया ECCE दिवस म अवश्य भाग लूहुं। जिला कार्यक्रम अधिकारी शैल ठाकुर के मार्गदर्शन म ECCE दिवस के सफल आयोजन म जिला के जम्मों परियोजना अधिकारी, पर्यवेक्षक, आँगनवाड़ी कार्यकर्ता, पालक अउ ‘गढ़बो बचपन’ प्रोजेक्ट, एडुवीव फाउंडेशन के टीम के महत्वपूर्ण योगदान रहिन।