जय जोहार। सीएम भूपेश बघेल ह छत्तीसगढ़ म 1 अप्रैल 2023 के बेरोजगारी भत्ता योजना के सुभारंभ करीन । सासन के ए महत्वाकांक्षी योजना के लाभ ले बर युवा म काफी उत्साह दिखत हे । ए योजना के तहत सिरिफ 24 दिन के भीतर ही 41 हजार 465 ले जादा आवेदक ल बेरोजगारी भत्ता स्वीकृत करे गेहे । योजना के तहत अब तक बेरोजगारी भत्ता के पोर्टल म एक लाख 17 सौ 74 आवेदन मिले हे। एमा ले दस्तावेज सत्यापन के बाद 63 हजार 908 मनखे मन ल बेरोजगारी भत्ता स्वीकृत करे के अनुसंसा घलो कर दे गेहे ।
मुख्यमंत्री श्री बघेल के घोसना के अनुरूप बेरोजगारी भत्ता के रासि 2,500 रुपिया सीधा आवेदक के बैंक खाता म डीबीटी डहार ले ट्रांसफर करे जावत हे । ए योजना के उद्देश्य प्रदेस के बेरोजगार ल हरेक महीना 2,500 रुपिया के भत्ता दे के संगेसंग ओमन ल कौसल प्रसिक्षण देके रोजगार योग्य बनाना हे ।
पूर्व म संचालित बेरोजगारी भत्ता योजना के तुलना म वर्तमान म लागू योजना कहीं जादा सफल हे । बछर 2015 म बंद करे गे बेरोजगारी भत्ता योजना म जादा तम 22 हजार आवेदक ल ही बेरोजगारी भत्ता स्वीकृत करे गे रिहीस, जबकि नवा योजना के अंतर्गत पहिला 24 दिन के भीतर ही 41 हजार 465 ले जादा आवेदक के भत्ता स्वीकृत करे जा चुके हे ।
एमा बालोद जिला म सबले जादा 7 हजार 691, दुर्ग जिला म 7 हजार 495, रायपुर जिला म 6 हजार 43, बिलासपुर जिला म 5 हजार 977, जांजगीर-चांपा जिला म 5 हजार 556, धमतरी जिला म 5 हजार 511, कबीरधाम जिला म 4 हजार 775, कांकेर जिला म 3 हजार 420, सरगुजा जिला म 2 हजार 519, मोहला-मानपुर-अंबागढ़ चौकी जिला म एक हजार 13, रायगढ़ जिला म 2 हजार 55, गौरेला-पेण्ड्रा-मरवाही जिला म 940, कोरिया जिला म 898, दंतेवाड़ा जिला म 641, नारायणपुर जिला म 403, कोण्डागांव जिला म 2 हजार 51, बीजापुर जिला म 441, खैरागढ़-छुईखदान-गण्डई जिला म एक हजार 403, बस्तर जिला म 2 हजार 71, मनेन्द्रगढ़-चिरमिरी-भरतपुर जिला म 929, मुंगेली जिला म 4 हजार 589, जशपुर जिला म 2 हजार 229, गरियाबंद जिला म 3 हजार 96, बलौदाबाजार जिला म 4 हजार 119, महासमुंद जिला म 4 हजार 482, राजनांदगांव जिला म 4 हजार 303, बेमेतरा जिला म 3 हजार 950, सक्ती जिला म 3 हजार 291, बलरामपुर जिला म एक हजार 596, सुकमा जिला म 582, सूरजपुर जिला म 2 हजार 387, सारंगढ़-बिलाईगढ़ जिला म 2 हजार 871, कोरबा जिला म 2 हजार 446 आवेदन अब तक पंजीकृत होए हे ।
