Raipur : बेरोजगारी भत्ता योजना: मुख्यमंत्री ह 66 हजार 265 युवा के खाता म अंतरित करीन 16 करोड़ रुपिया के रासि

जय जोहार। मुख्यमंत्री भूपेश बघेल ह रविवार के मुख्यमंत्री निवास कार्यालय म आयोजित कार्यक्रम म बेरोजगारी भत्ता योजना के पात्र पाए गे 66 हजार 256 हितग्राही मन के खाता म 16 करोड़ रुपिया के रासि अंतरित करीन । ए हितग्राही मन के खाता म 25 सौ रुपिया अंतरित करे गीन , जेन प्रतिमाह दे जाही ।

मुख्यमंत्री ह वर्चुअल कार्यक्रम म किहीन कि भत्ता के रासि आप सबो के उच्च सिक्षा, प्रतियोगी परीक्षा के तैयारी अउ प्रसिक्षण के दउरान उपयोगी होही । आप सबो के रोजगार के उचित व्यवस्था हो, एखर बर घलो हमन ह काम योजना बनाईन हे । मुख्यमंत्री ह किहीन कि आप सबो बड़ अकन स्वाभिमानी हे , चूंकि प्रतियोगी परीक्षा के तैयारी करत हे अथवा स्वरोजगार बर अपने ल तैयार करत हे । ए अवधि म जरूरी खर्च बर आप ल ए मासिक भत्ता ले सहयोग मिल पाही ।

मुख्यमंत्री ह किहीन कि बेरोजगारी भत्ता बर आवेदन बेहद सरल हे , एखर बर केवल ऑनलाईन आवेदन करना होत हे । डीबीटी ले रासि चले जात हे । एक महीना म हमन ह 16 करोड़ रुपिया ले जादा के रासि अंतरित कर दीन हे । पहले एखर पात्रता नियम ह काफी कठिन रिहीस , अब ये सरल हे । ढाई लाख रुपिया तक के आय वाला एखर पात्र हे । मेहा आज ए रासि के वितरण करत हों ।

मुख्यमंत्री ह किहीन कि 24 मार्च के बजट पारित होइन अउ 1 अप्रैल ले ऑनलाईन आवेदन लेना सुरू कर देहे । 67 हजार मनखे मन ल आज रासि अंतरित कर दीन हे । एक महीना के भीतर बड़का काम करना बड़ अकन कठिन रिहीस। रिकॉर्ड बेरा म काम कइसे हो सकत हे । ये सबले बड़का उदाहरण हे ।