Raipur : केंद्रीय वित्त मंत्री निर्मला सीतारमण ह 5 अक्टूबर के पहुंचही रईपुर, कार्यक्रम सेवा ही समर्पण म होही सामिल

जय जोहार…. (Raipur) केन्द्रीय वित्तमंत्री निर्मला सीतारमण ह 5 अक्टूबर के राजधानी रईपुर पहुंचही। केन्द्रीय मंत्री सीतारमण ह रईपुर म भाजपा डहार ले चलाये जावत कार्यक्रम सेवा ही समर्पण म सामिल होही।

(Raipur) भाजपा डहार ले वित्त मंत्री के आगमन म संगोष्ठी कार्यक्रम रखे गेहे , जेमा बुद्धिजीवी, उद्योगपति, जीएसटी इनकम टैक्स के सलाहकार, डॉक्टर ल आमंत्रित करे जाही।

बता देन कि प्रधानमंत्री के जन्म दिवस के अवसर म 17 सितंबर ले सेवा ही समर्पण के कार्यक्रम चलाए जावत हे। (Raipur) ए अवसर म युवा मोर्चा डहार ले ब्लड डोनेशन कैंप चलाए जाही , जेमा वित्त मंत्री निर्मला सीतारमण ह सामिल होही। उहें भाटागांव स्थित वैक्सिनेशन सेंटर के निरीक्षण करही ।