Raipur : केन्द्रीय स्वास्थ्य मंत्रालय ह छत्तीसगढ़ ल करीन सम्मानित

जय जोहार । (Raipur) केन्द्रीय स्वास्थ्य अउ परिवार कल्याण मंत्रालय डहार ले आज छत्तीसगढ़ ल हेल्थ एंड वेलनेस सेंटर्स फंक्शनल करे के शत-प्रतिशत लक्ष्य हासिल करे बर सम्मानित करे गीन। केन्द्रीय स्वास्थ्य मंत्री डॉ. मनसुख मंडाविया अउ उत्तरप्रदेश के मुख्यमंत्री योगी आदित्यनाथ ह यूनिवर्सल हेल्थ कवरेज डे म बनारस म आयोजित कार्यक्रम म ए उपलब्धि बर छत्तीसगढ़ ल प्रमाण पत्र प्रदान करीन । स्वास्थ्य अउ परिवार कल्याण विभाग, सरगुजा संभाग के संयुक्त संचालक डॉ. पूनम सिसोदिया ह छत्तीसगढ़ डहार ले ये सम्मान ल ग्रहण करीन ।

(Raipur) छत्तीसगढ़ ह हेल्थ एंड वेलनेस सेंटर्स के संचालन बर दिसम्बर-2022 तक बर निर्धारित लक्ष्य ले जादा सेंटर ल फंक्शनल कर लेहे । छत्तीसगढ़ ल कुल 4825 प्राथमिक स्वास्थ्य केंद्र, उप स्वास्थ्य केंद्र अउ शहरी स्वास्थ्य केंद्र के उन्नयन कर हेल्थ अउ वेलनेस सेंटर्स के रूप म संचालित करे के लक्ष्य मिले रिहीन। राज्य म अभी ए लक्ष्य ले 62 जादा यानि 4887 केंद्र के संचालन होवत हे।

मुख्यमंत्री भूपेश बघेल अउ स्वास्थ्य मंत्री टी.एस. सिंहदेव ह स्वास्थ्य विभाग अउ राष्ट्रीय स्वास्थ्य मिशन, छत्तीसगढ़ ल ए उत्कृष्ट काम अउ उपलब्धि बर बधाई दीन हे । (Raipur) वोहा एमा लगे विभागीय टीम के पीठ थपथपात हुए उम्मीद जताइन कि प्रदेश म जल्दीच ही सबो चयनित स्वास्थ्य केंद्र के हेल्थ एंड वेलनेस सेंटर के रूप म उन्नयन कर ले जाही ।