Mumbai: ए केंद्रीय मंत्री के कोरोना जांच रिपोर्ट आय हे पाजिटिव, अस्पताल म हो गे भर्ती, पढो पूरा खबर

जय जोहार…. (Mumbai) देश म कोरोना ले जुड़े एक बड़का खबर सामने आवत हे। एक अऊ केंद्रींय मंत्री ह कोरोना पाजिटिव हो गे हे। रिपब्लिकन पार्टी ऑफ इंडिया (आरपीआई) के अध्यक्ष अऊ केंद्रीय मंत्री रामदास अठावले के कोरोना जांच रिपोर्ट ह पाजिटिव आय हे।

केन्द्रीय मंत्री रामदास अठावले ल कोरोना होय के पुष्टि ओखर कार्यालय ह करे हे। एखर बाद ओला बाम्बे अस्पताल म उपचार बर भर्ती कराय गे हे। (Mumbai) बता देन कि केंद्रीय मंत्री रामदास अठावले ह सोमवार के पायल घोष ल आरपीआई के सदस्यता दिलाय रिहिन।

(Mumbai) बतावत जात हे कि केंद्रीय मंत्री अठावले ल कफ अऊ बदन दर्द के शिकायत होय रिहिन। एखर बाद ओ हा कोरोना जांच कराय रिहिन। जेखर रिपोर्ट ह पाजिटिव आय हे। एहतियान ओला उपचार बर बाम्बे हास्पिटल म भर्ती कराय गे हे।