chhattisgarh : मनरेगा म लेबर बजट बढ़ाय छत्तीसगढ़ के प्रस्ताव ल केन्द्रीय ग्रामीण विकास मंत्रालय ह दीन हे मंजूरी, पढ़व

जय जोहार। केन्द्रीय ग्रामीण विकास मंत्रालय ह छत्तीसगढ़ (chhattisgarh) म मनरेगा (महात्मा गांधी राष्ट्रीय ग्रामीण रोजगार गारंटी अधिनियम) के लेबर बजट म दो करोड़ 22 लाख मानव दिन के बढ़ोतरी के मंजूरी ल दे दीन हे। अब प्रदेस म चालू वित्तीय बछर 2021-22 बर मनरेगा के तहत रोजगार सृजन के लक्ष्य साढ़े 13 करोड़ मानव दिन ले बाढ़के 15 करोड़ 72 लाख मानव दिन हो जाही।

राज्य सासन के पंचायत-ग्रामीण विकास विभाग के वरिष्ठ अधिकारी अउ भारत सरकार के ग्रामीण विकास मंत्रालय के सचिव अउ दूसर अधिकारी मन के बीच हाल म होइन बइठक म छत्तीसगढ़ म लेबर बजट बढ़ाय के प्रस्ताव ल मंजूरी दे गेहे । छत्तीसगढ़ (chhattisgarh) म चालू वित्तीय बछर 2021-22 म मनरेगा के तहत निर्धारित साढ़े 13 करोड़ मानव दिन रोजगार सृजन के लक्ष्य ल विगत फरवरी माह म हासिल कर ले रिहीन ।

पंचायत अउ ग्रामीण विकास मंत्री टी.एस. सिंहदेव ह मनरेगा के अंतर्गत होवत व्यापक काम अउ लक्ष्य के पूरा होय ल देखत लेबर बजट बढ़ाय के प्रस्ताव ल भारत सरकार ल भेजे के निर्देस वरिष्ठ विभागीय अधिकारी मन ल दे रिहीन। (chhattisgarh) पंचायत अउ ग्रामीण विकास विभाग के अपर मुख्य सचिव श्रीमती रेणु जी. पिल्ले अउ मनरेगा आयुक्त मोहम्मद कैसर अब्दुलहक के केन्द्रीय ग्रामीण विकास मंत्रालय के अधिकारी मन के संग सशक्त समिति के हाल ही म बइठक होइन हे। एमा लेबर बजट बढ़ाय के राज्य सासन के प्रस्ताव ल मंजूरी प्रदान करे गेहे ।