जय जोहार…. (Raipur) राजधानी म अनलॉक आदेश जारी कर दे गे हे। ए दौरान जिला म अब बिहनिया 6 बजे ले संझा 6 बजे तक सबो दुकान ल खोले का अनुमति मिले हे। जिला म शराब दुकान, ब्यूटी पार्लर, सेलून, व्यावसायिक प्रतिष्ठान अउ माल घलो खुलेही। हालांकि संझा 6 बजे के बाद जिला म नाईट कर्फ्यू ह लागू रही।
जारी आदेश के मुताबिक सबो मैरिज हॉल, स्वीमिंग पूल, मिनेमा हॉल / थियेटर ह बंद रही। (Raipur) स्कूल अउ कॉलेज विदयार्थी मन बर बंद रही। छात्रावास म सिरिफ परीक्षा देवइया विदयार्थी मन ल आवास के अनुमति होही। शासन ले अनुमति प्राप्त सबो परीक्षा ल छोड़ के कोचिंग क्लास अउ दूसर सभी शैक्षणिक गतिविधि बंद रही।
(Raipur) सबो प्रकार के सभा, जुलूस,धरना, प्रदर्शन, राजनितिक अउ धार्मिक आयोजन आदि पूरा प्रतिबंधित रही। रिसाट, सबो धार्मिक स्थल, सांस्कृतिक अउ पर्यटन स्थल मुक्तांगन, जंगल सफारी आदि अउ दूसर सावर्जनक स्थल समूह आयोजन आम मनखे मन बर प्रतिबंधित रही।
