आज संझा तक मिल जही छत्तीसगढ़ ल स्थाई डीजी

रायपुर ।  छत्तीसगढ़ डीजीपी के नाम तय करे बर आज, 24 जनवरी के दिल्ली म यूपीएससी के बइठक होवत हे। एमा फइसला लेय जा सकते हे।  संझा तक प्रदेस ल स्थाई डीजीपी मिल सकत हे। दूसर ओर राज्य सरकार ह यूपीएससी ल आईपीएस डीएम अवस्थी, गिरधारी नायक, आरके विज के नाम के पइनल भेजे हे। यूपीएससी  ह पूर्व म मुख्य सचिव ल पत्र भेजके बइठक के संबंध म जानकारी देय रहिस हे।

बता देन के प्रदेस म कांग्रेस के नवां सरकार बने के बाद एएन उपाध्याय  ल हटाके डीएम अवस्थी ल कार्यवाहक डीजीपी बनाय गे रहिस हे।  यूपीएससी ले अनुमति के बिना ही राज्य सरकार  ह ए निरनय लेय गिस। एला लेके प्रदेस के पूर्व सीएम रमन सिंह ह कांग्रेस सरकार उपर निसाना साधे रहिस हे।